بسم الله الرحمن الرحيم
السلام عليكم ورحمة الله وبركاته
كيفكم وكيف أخباركم، الاستعدادات للعيد ياترى كيف
تصدقون ياجماعة سبحان الله تقديم يوم واحد يسوي بلاوي واحنا ماندري،
يعني كانت الوقفة بالتقويم يوم الاربعاء صارت الثلاثاء تعطلت المصالح واستصابوا الناس وتحسون انه
محد ملحق على شغله،، ويزيد من ذلك رزالة المدير اذا مايبي يعطيك اجازة
ومن الاساس عندنا اجازه رسمية يوم 18-12
ومن الامور الطيبة انه الدولة اعطتنا اجازة طويلة 
يعني مأجزين من 18-12 حتى 25-12
الحمدلله نعمة ،، وجزاهم الله خير وماقصروا بصراحة..
الحقيقة العيد هذا اتمنى اعيد بسعادة لاني عيد الفطر ماعيدت،، حقيقة كان اول عيد يمر علي بحياتي
مااعيد ، حيث اني كنت مريضة:) ولله الحمد على كل حال،
فدعواتكم انه هالعيد يعدي على خير رغم انه الاوضاع هي هي ماتغيرت بل ساءت لكن الحمدلله على كل حال،
بس صدق لي قالوا لكم حريم ، لانه اليوم انا والزميلات بالشغل ماكان لنا حكي الا عن
وين بتحنين وشو مفصلة للعيد ، اي صالون بتقصين شعرج، اي وش حلوياتكم!
والمتزوجات ( الحمدلله الي مرتاحة) يفكرون بهدايا لام زوجهم وحالة ،،
حقيقة انه جو العيد جو جد رائع ،، له طعم حلو،، خصوصا انه فيه موسم الحج >>> جايبة شيء جديد خخخ